Emîne Şenyaşara ke laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 199 rojî yo Nobeta Edaletî de yê. Avûkatê keyeyî Gokhan Dayîk zî ewro tewrê nobete bi.

Avûkat Dayîkî pare kerd ke siba nobeta edaletî ya Şenyaşaran kewena roja 200. û vat: ''Bi wesîleya ney ma semedo ke ma vera na bêdaletî bêveng nêmanê venga 200 avûkatan danê ke siba verê edlîye de bêrê pêser. Wa pêro avûkatî vera na bêedaletîye veng bidê. Ma venga avûkatan da ke wa bi cubeyanê xo siba bêrê verê mehkeme.''