Hemserekê ÎHDyî yê Dêrsimî: Zîndanî bîyê keyeyê mergî

Hemserekê ÎHDyî yê Dêrsimî Gurbuz Solmazî bale ante ser ke tepişte Îbrahîm Yilmazî zîndan de tehlîye ra 10 rojî verî dinyaya xo bedilnaya. Solmazî vat: ''Zîndanê Tirkîya vurîyayê keyeyê mergî. Wa pêro tepişteyê nêweşî vera bidîyê.''

Tepişteyo nêweş û astengdar Îbrahîm Yildirimo ke tehlîyeyê ci rê 10 rojî mendbî Zîndanê Xarpêtî de perey şan ame qetilkerdene. Yildirimo ke rixmê nêweşî û astengdarîya xo vera nêdîyayêne, çimêkê ci kor bibi û çimê ci yo bîn zî se ra 49 dîyêne.

Cenazayan Yildirimî vizêr Dêrsim de ameye definkerdene.

Zîndanan de tepişteyê nêweşî terkê mergî yenê kerdene û tepişteyê ke nênê tedawîkerdene zîndan de dinyaya xo bedilnenê.

Hemserekê Şubeyê Dêrsimî yê Komeleya Heqanê Merdiman (ÎHD) Gurbuz Solmazî da zanayene ke rojanê peyênan de zîndanî pê mergan rojdem de yê.

Solmazî pare kerd ke Îbrahîm Yildirim bi giranî nêweş bi û vat: ''Tehlîyeyê Yildirimî rê 10 rojî mendbî. Tirkîya de zîndanî hînî vurîyayê bîyê keyeyê mergî. Kerdişê neheq û bêhuqûqî yê dewlete kenê ke mergê tepişteyanê nêweşan bizêdîyê. Ez venga pêro pawitoxanê heqanê merdiman û rêxistinan dana ke seba ke zîndanî nêbê keyeyê mergî seba tepişteyanê nêweşan têbigêrê. Wa pêro tepişteyê nêweşî bêrê veradayene.''