Komîteya Zîndanan semedê qirkerdişê Zîndanê Amedî eşkerayîye daye

Komîteya Zîndanan a PKK û PAJKî tepişteyê ke 25 serrî verî Zîndanê Amedî de ameyî qetilkerdene yad kerdî.

Komîteya Zîndanan a PKK û PAJKî tepişteyê ke 25 serrî verî 24ê êlula 1996î de Zîndanê Amedî de ameyî qetilkerdene yad kerdî. Eşkerayîye wina ya:

''Dewleta tirke ya faşîsta ke hêrişê 12 embazanê ma yê tepişteyan kerdî bi barbarî ê qetil kerdî. Dewleta tirke ya îşxalkere pê kalasan sereyê tepişteyan parçe kerdî. Bi nê sûcê merdimîye rîyo bêmerdimî yê dewleta tirke ya îşxalkere yê vera kurdan bi zelalî vejîya werte.

Ewro zî heman hişmendîya dişmene ya vera kurdan dewam kena. Tepişteyê nêweşî nênê tedawîkerdene, sere de Rayber Apoyî vera tepişteyan îşkence, tecrîd û teda ameyî sîstematîkkerdene. Zîndanî vurîyayî cayê terorî, nîjadperestî, îşkence û zulmî.

Xoverdayîşê Zîndanî yo Pîl ê serra 2019î hemleya 'Wextê Azadîye' de zî bîyo cepheyêko serek yê xoverdayîşî û têkoşînê rijîyayîşê faşîzmê AKP-MHP-Ergenekonî.  

Ma embazanê xo Mehmet Aslan, Kadrî Demîr, Ahmet Çelîk, Edîp Derîkçe, Mehmet Nîmet Çakmak, Ridvan Bulut, Mehmet Kadrî Gumuş, Erhan Hakan Perîşan, Cemal Çam û Hakkî Tekînê ke 24ê êlula 1996î de Zîndanê Amedî de şehîd bîyî pê hûrmet û minetî yad kenê. Ma do pê rijnayîşê faşîzmî, qedînayîşê esîrîya Rayber Apoyî û azadkerdişê şarê xo cewab bidê vîrameyîşê înan. Ma venga pêro şarê xo, rayaumûmîya hîsgere danê ke mîyanê têkoşînî de ca bigêrê û vera faşîzmî xoverdayîşî geş bikerê.''