NY: Sûrîye de bêmanên sûcê şerî yenê kerdene

Komîsyonê Cigêrayîşî yê Heqanê Merdiman ê NYyî îfade kerd ke Sûrîye de bêmabên sûcê şerî û sûcê merdimîye yenê kerdene.

Komîsyonê Cigêrayîşî yê Heqanê Merdiman ê Neteweyanê Yewbîyayeyan (NY) raporê xo yê 1ê temmuza 2020î-30ê hezîrana 2021î eşkera kerd.

Derheqê raporî de Serekê Komîsyonê Cigêrayîşî Paulo Pinheiroyî Endamanê Komîsyonê karan Konîng, Ebû Zayd û Hanny Megallyî reyde Ofîsê Cenevre yê NYyî de eşkerayîye daye çapemenîye. Pinheiroyî da zanayene ke 10 serranê peyênan ra nata Sûrîye de sûcê şerî û sûcê vera merdimîye bêmabên dewam kenê

Pinheiroyî ard ziwan ke Esad se ra 70ê erdê Sûrîye îdare keno û hêzê hukmatî bêmabên merdiman destbend keno û tepişeno, îşkence keno, îstîsmarê cînsî kenê, qetil kenê.

Konîng Ebû Zaydî zî bale ante ser kke dewleta tirke awa Çemê Dîcle û Firatî birnaye û krîzo ekonomîk ê Sûrîye zî vera beno giranêr. Zaydî vat: ''Sîstemê welîye wextê janî de bêfayde mend, mumkîn nîyo ke hemwelatîyî xo biresnê derzîna Korona.''

Endama Komîsyonî Hnnye Megally pare kerd ke Rûsya û Tirkîya pêkerd, rixmê adirbirnayîşî zî hêrişê herême kenê. Megallye vist vîrî ke Tahrîr El-Şamo ke NY de sey rêxistina terorî ame pênasekerdene çapemenîye û azadîya fikrî sînordar keno, rojnamegeran bi hawayêkê keyfî tepişeno. 

Megallye pê hesna ke Efrîn û Serêkanîyê de teqayîşan de 243 merg û seqatbîyayîşî ameyî tesbîtkerdene la zerarê pîlî resayî sivîlan ser. Megallye pare kerd herêmanê QSDyî de hêrişanê Tirkîya ra rewşa asaye xeripîyaye. 

Megallye da zanayene ke 2019 ra nata zîndananê Sûrîye de tewr tay 10 hezar cergê DAÎŞî tepişte yê la tay zîndanan de 750 domanî yenê tepiştene.