Parlamentoyê Iraqî 8ê sibate de do serekkomarê/a neweyî/newîye biweçîno. Nika ra 26 kesî bîyî namzet.

Erkê serekkomarîya Iraqî sey tradîsyonî sey erkê kurdan yeno dîyene. Cara nika zî Serekkomarê Iraqî endamê YNKyî Berhem Salih o.

Goreyê Qanûnê Bingeyî yê Iraqî namzetî ganî hemwelatîyê Iraqî bibê, tewr tay 40 serre bibê, yew eleqeyê ci bi Baasî rê çinbo.

Seba ke namzetêk/e bibo/a serekkomar ganî se paran ra di parî yanî raya 213 parlamenteran bigêro/a.

Mîyanê 26 namzetan de 11 kurdî estê la şensê înan  kêm o. Wezîro verên ê Karanê Zereyî û Wezîrê Malîye yê PDKyî Hoşyar Zebarî, Şîlane Fuad keyeyê Talabanî ra Latîf Reşîd, dadgero kurd Rizgar Emîno  ke Saddam Huseyîn muhakeme kerdbi namzetê kurdî yê.

Nê namzetî qebul nêkenê ke Berhem Salih reya diyîne bêro wçînayene. Rixmê ney zî Berhem Salih sey namzetê favorîyî yeno dîyene.