Welatê ke sînoranê qeraxanê Dengizê Sipî de yê vêşenê

Welatê ke sînoranê qeraxanê Dengizê Sipî de yê vêşenê. Dewê ke vakurê Yunanîstanî de yê şewatî ra ameyî vengkerdene.

Roja sêşemeyî Yunanîstan de 8 cayan de şewat vejîya. Goreyê Pawitişê Sivîlî nê şewatan ra 40ê ci hema zî aktîf ê. Yunanîstan de germîya hewayî 45 derece ra zafêr a.

Serekê Pawitişî Sivîlî Michalis Chryssohoidisî vat: ''Oyo ke ma rê girîng o xelasnayîşê merdiman o. Coka ma dewî veng kerdî.''

Hewteyê vîyarteyî de koyê Pante ra dima Parnes de zî şewat vejîya ke Parnes dormeyê Atina gêno. Dûyê şewatî Atina ser o vila bîyo. 3 dewî ameyî vengkerdene. 

Şaredarê Acharnai Spyros Vrettosî televîsyonê Skai rê qisey kerd û vat: ''Na trajedî ya. La hol o ke tehluke nêreso cuya kesî ser.''

Tirkîya de zî şewatan de 8 kesî merdî û şewatê Mîsalî hêdî hêdî reseno santralê termîkî. Şaredarê Mîlasî Muammer Tokatî twitter de vat: ''Rewşe giran a. Şewat ho reseno santralî. Ganî cade helîkopter û teyarayî bierşawîyê.''

Şewatê Tirkîya de xeylêk daristanê Ege û Dengizê Sipî vêşayî.