Cinîyê Şingalî vera tecrîdî rayîrî ra şîyî

Têgêrayîşê Cinîyan ê Azadan ê Êzidîyan (TAJÊ) û Yewîya Ciwanan ê Êzidîyan vera tecrîdkerdişê Rayberê Şarê Kurdî Abdullah Ocalanî Şingal de çalakîya rayraşîyayîşî kerde.

Têgêrayîşê Cinîyan ê Azadan ê Êzidîyan (TAJÊ) û Yewîya Ciwanan ê Êzidîyan vera tecrîdkerdişê Rayberê Şarê Kurdî Abdullah Ocalanî Şingal de çalakîya rayraşîyayîşî kerde.

Rayraşîyayîşî qezaya Sinûnî ra heta Gelîya Kersî dewam kerd. Bi seyan cinî û ciwanî tewrê çalakîye bîyî înan posterê Ocalanî û alayê rêxistinanê êzidîyan kiriştî. Peynîya rayraşîyayîşî de eşkerayîye ameye dayene.

Çalakîkera bêmabên sloganê sey 'Bê serek cuye nêbena' vatî. Peynîya rayraşîyayîşî de eşkerayîye ameye dayene. Eşkerayîye de ame vatene ke tecrîd şexsê Ocalanî de vera şaran yeno kerdene û komelê êzidîyan do tim paştî bido azadîya Rayberê Şarê Kurdî.

Endama Koordînasyonê Têgêrayîşê Azadîya Cinîyan ê Êzidîyan Rihame Hiço zî vat: ''Ma zî 3ê tebaxa 2014î de sey komployê vera Rayberîye raştê komployêkî ameyî. Ma tecrîdî şermezar kenê û qetî komployî qebul nêkenê.''