Îzmîr de mîyanê hewteyêkî de 4 cinîyî û temamîya Tirkîya de zî 9 cinîyî ameyî qetilkerdene. Platformê Ma do Verê Kişîyayîşê Cinîyan Bigêrê (KCDP) Îzmîr de qirkerdişê cinîyan protesto kerd. Çalakîye de fotografê cinîyanê ke ameyê qetilkerdene, ameyî berzkerdene û vera qirkerdişanê cinîyan sloganî ameyî vatene.

Endama KCDPyî Elîfe Tunca eşkerayîye wende. Tunca vist vîrî ke betalkerdişê Peymana Îstanbulî ra nata 409 cinîyî ameyê qetilkerdene û 328 cinîyî zî bi hawayêkê şikdarî merdê. Tunca vat: ''Seba ke cuya cinîyan dewlete rê girînge nîya Dewlete cinîyî nêpawitî û verê qirkerdişan nêgirewt. Bi nê hawayî dewlete cesaret da kiştoxan. Cinîyî hînî heqanê xo zanenê, vera şîdetî têgêrenê. Seba ke dewlete cinîyan nêpawena ma do têkoşînê xo rê dewam bikerê.''