Şehîdê Menga Gulane ameyî yadkerdene

Xeylêk şaristanan de bi aktîvîteyanê cîya-cîyayan şehîdê Menga Gulane ameyî yadkerdene.

Xeylêk şaristananê Ewropa  de bi aktîvîteyanê cîya-cîyayan şehîdê Menga Gulane ameyî yadkerdene.

Stockholm de serkêşîya Dezgehê Keyeyanê Şehîdan de Komeleya Kultur û Hunerî ya Kurdan de merasîmê yadkerdişî ame kerdene. Merasîm de Mîrhem Yîgîtî qisey kerd û  îbrahîm Kaypakkaya, Hakî Karer, Ferhat Kurtay, Eşref Yanik, Mahmût Zengîn, Necmî Oner û Mazlum Dogan yad kerdî û ard ziwan ke şehîdan rayîrê azadîye akerd. Dima derheqê şehîdan de sînevîzyonêk ame mojnayene. 

Şaristanê Limasolî yê Kibrisî de Merkezê Kulturê Kurdan de merasîmêk Hakî Karer, Îbrahîm Kaypakkaya, Çaran (Ferhat Kûrtay, Eşref Anyik, Mahmût Zengîn û Necmî Oner), Aysele Dogan û şehîdê Zap û Avaşînî ameyî kerdene. Qiseykerdişan de ame vatene ke pê azadkerdişê Rayberê Şarê Kurdî Abdullah Ocallanî û azadkerdişê Kurdîstanî kurdî do dîyarîya xo bidê şehîdan. Mojnayîşê sînevîzyonî ra dima koma hunerî deyîrî vatî.

Kampa Lavrioyî ya şaristanê Atina yê Yunanîstanî de Têgêrayîşê Ciwanan ê Şorişgêran û Komeleya Kulturê Kurdîstanî şehîdê menga gulane yad kerdî. Bi seyan kesî û endamê MLKPyî zî tewrê yadkerdişî bîyî. Merasîmê yadkerdişî de ame vatene ke têkoşîno hempar ê şaran, cinîyan, karker û kedkaran ê vera faşîzmî her ca de pîl beno. Dima derheqê şehîdan de sînevîzyonêk ame mojnayene.