Ciwananê Swêdî bi alaya PKKyî vat: ''Endamîya NATOyî rê ney'

Ciwananê Anarşîstan ê Swêdî vera nîyet û xîretê Swêdî yê seba endamîya NATOyî alaya PKKyî akerde û çalakîye kerde.

Dewleta Swêdî seba endamîya NATOyî mîyanê tay xîretan de ya. Paytextê Swêdî Stockholm de vera xîretanê îdareyê welatî çalakîyêke ameye kerdene.   

Wexto ke Partîya  Sosyal-Demokrate ya Swêdî ya ke îqtîdar de ya, seba endamîya NATOyî kombîyayîş kerdêne ciwananê anarşîstan ê Swêdî verê cayê kombîyayîşî de alayê PKKyî akerdî û bi sloganê 'Endamîya NATOyî rê Ney' çalakîyêke kerde.

Ciwananê Swêdî çalakîye ra dima merkezê şaristanî de serê pirdî de alaya PKKyî darde kerde û heman sloganî reyna vatî.