Endamanê Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) seba azadîya Rayberê Şarê Kurdî Abdullah Ocalanî îstasyonê trenî yê Zurihî de çalakîye kerde. Ciwanan çalakîye de pankartê bi nuşteyê “Freheit fur Ocalan” (Ocalanî rê Azadîye) akerde û sloganê sey 'Biciwîyo Serek Apo' vatî. Ciwanan wextê çalakîye de vilawekî vila kerdî.

Kesêkê nedîyarî waşt çalakîye provake bikero. La polîsan mudaxeleyê ci nêkerd. Ciwanan polîsan rê sebebê mudaxelenêkerdişî pers kerd. Polîsî vat: ''Ez zî tirk a.'' û bi tirkî ciwanan rê heqaret kerd.  Ciwanan vera ney vat ke ê do her ca de vera faşîzmî têkoşînî pîl bikerê û çalakîyan xurt bikerê.