Çarçewa kampanyaya vera qedexeyê serê PKKyî de şaristananê Kibrisî de bêmabên xebatî yenê kerdene. Mîyanê hewteyêkî de seba ke PKK lîsteya terorî ra bêro vetene tewr tay 5 hezar îmzayî arê dîyayî.
Çarçewa kampanyaya vera qedexeyê serê PKKyî de şaristananê Kibrisî de bêmabên xebatî yenê kerdene. Mîyanê hewteyêkî de seba ke PKK lîsteya terorî ra bêro vetene tewr tay 5 hezar îmzayî arê dîyayî.
Vervatoxê Komîsyonê Îmzayan o ke hetê Meclîsê Şarê Kurdî ra ronîyayo, Kamîl Akalî pare kerd ke înan heta nika vera qedexeyê serê PKKyî 15 hezar îmzayî arê dayê.
Akalî vat: ''Ma 3 mengî yoo xebitîyenê û heta nika 15 hezar îmzayî arê dayî. Embazê ma kedêka pîle danê la na hûmare zî ma rê qîm nêna. Na lîste de estbîyayîşê PKK ma rê şermêko pîl o. Şero ke koyanê Kurdîstanî de yeno kerdene, mabênê leşkeranê sîstemê kapîtalîst û fedayîyan de yeno kerdene. Nê şerî de koletîye do bin bikewa, azadîye do ser bikewa.''
Akalî îfade kerd ke hewteyê peyênî de înan netîceyêka hole vista destî û vat: ''Ma mîyanê hewteyêkî de 5234 îmzayî arê dayî. Ma do karê xo bi nê tempoyî bikerê. Armancê ma arêdayîşê 60 hezar îmzayan o.''
