Konferansê Kurdîstanê Enternasyonalîstî qedîya

Konferansê Kurdîstanê Enternasyonalîstî yo ke şaristanê Kolnî yê Almanya de ame organîzekerdene, qedîya. Konferans de azadîya Rayberê Şarê Kurdî Abdullah Ocalanî ameye waştene û mesajê paştdayîşî bi şarê kurdî ameyî dayene.

Konferansê Kurdîstanê Enternasyonalîstî  yo ke perey şaristanê Kolnî yê Almanya de dest pêkerd vizêr qedîya. Konferans de mesajê paştdayîşî bi şarê kurdî ameyî dayene.

Konferans de bale ameye antene hêrişê îşxalî  û polîtîkayanê qirkerdiş û înkarî yê vera Kurdîstanî ser û veng dîya ke wa vera faşîzmî paştdayîş bêro pîlkerdene. Reyna hêrişê vera keyeyê Dedeogullarî zî ame şermezarkerdene bale ameye antene serê muhîmîya Defend Kurdîstanî ser.

Derheqê aktîvîstanê enternasyonalîstan ê ke têkoşînê azadîye yê Kurdîstanî de ca genê de sînevîzyon ame ramotene. Badê munaqeşeyanê derheqê înşakerdişî konferans qedîya.