Şaîro kurd Cegerxwîn serê gorê ci de ame vîrardene

Şaîro kurd Cegerxwîn serrgêra 37. ya şehadetê ci de Qamişlo de serê gorê ci de ame vîrardene.

Şaîro kurd Cegerxwîn serrgêra 37. ya şehadetê ci de  serê gorê ci yo ke taxa Xerbî ya Qamişlo de yo, ame vîrardene.

Xeylêk nuştox, rojnameger, roşnvîr, şaîr û kesê ke Cegerxwînî ra hes kenî tewrê merasîmê vîrardişî bîyî.

Badê rêzgirewtişî hûmara verên a Kovara Domanan a Ara ya ke hetê Weşanxaneyê Araratî ra ameye weşanayene tewrbîyayoxan rê ameye vilakerdene.

Serekê Yewîya Nuştoxanê Kurdan Qadîr Egîdî ke merasîm de qisey kerd şaîr Cegerxwîn sey şaîrê kedkaran, kesanê  ke zerrîya înan pê heskerdişî dekerde yo û şorişgêran name kerd û vist vîrî ke zafê şîîrê ey hetê hunermenadanê kurdan ra açarîyayî deyîran. Qedîr Egîdî bale ante vatişê Cegerxwînî yê 'Eke şima mebê yew, şima do yew bi yew çîn bibê' ser û vat: ''Ganî ma yewîya xo xûrtêr bikerê.''

Merasîm pê wendişê şîîranê Cegerxwînî qedîya.