Bager Sayakî hucreyê yewkesî de kitabê şîîran nuşt

Bager Sayako çewligij o ke Zîndanê Sîncanî de yeno tepiştene hucre de bi nameyê “Direnişe çağrı manifestosu‘‘ ( Manîfestoyê vengdayîşê xoverdayîşî) kitabê şîîran nuşt.

Bager Sayako çewligij o ke bi pîlkerdişê serranê ci erzîya zîndan 2010î ra nata zîndan de yo. Sayakî hucreyê yewkesî yê Zîndanê Sîncanî de bi nameyê “Direnişe çağrı manifestosu‘‘ ( Manîfestoyê vengdayîşê xoverdayîşî) kitabê şîîran nuşt.

Kitabê şîîran “Direnişe çağrı manifestosu (… rağmen, sessiz kalıyorsan!)” o ke Weşanxaneyê Aryenî ra vejîya refan de cayê xo girewt.

Kitab  bi nameyê ''Hîkayeyî'', ''Dayîkî'', ''Lawikî'' û '' Xoza Merdim û Reqis'' çar beşan ra yeno ra û binê her sernameyî de  bi hîkaye û hîsanê cîya cîyayan 23 şîîrî ca genê.

Beşê ''Dayîkan'' de semedê ''Dayîkanê Haştîye'' û ''Dayîkanê Şemeyî'' şîîrî ameyî nuştene. Beşê ''Lawikan'' de zî kesê ke keyeyê Sayakî ra dewaya PKKyî de şehîd bîyî semedê înan şîîrî ca genê.

Bager Sayak Kam o?

Bager Sayak 1992 de Wareyê Şerefdînî yê Kanîreşê Çewlîgî de ameyo dinya. 2010 de bîlasebeb ame tepiştene û bi pîlkerdişê serranê ci cezaya muebetê giranî dîyaye cii. Xeylêk zîndan rê ame surgunkerdene û kitabê ci yê ke nuştî ameyî destsernayene. Tewr peynî de Kirikkale ra sewqê Zîndanî Sîncanî bi. Tîya hucreyê yewkesî de têkoşîn û xebatanê xo yê edebîyatî rayra beno.