Rojê Mîrasê Kulturî yê Ewropa yê 28. emser şaristanê Bernî yê Swîsre de ameyî serûberkerdene. Komeleya Masela  pê projeyê xo yê 'Ma eşkera yê ' tewrê nê rojan bîyî. Muzeyê vîrî yo ke Komeleya Masela xîret kena mîsalê Kobanê ser o awan bikera dîya şinasnayene. 

Rojanê Mîrasê Kulturelî de tabletê erdî yê hunermendanê Swîsre û Kurdîstanî dîyayî şinasnayene. Nameyê Komeleya Masela ser o Ozleme Yaşar pare kerd ke ê wazenê xoverdayîşê Kobanê prosesê awankerdişê Kobanê û tarîxê Mezopotamya biresnê şaranê Ewropa.

Ronatoxê Komeleya Masela û hunermendê peykerî Werner Neuhausî zî ard ziwan ke erdê Mezopotamya tarîx û kulturê xo ra semed ê Ewropa ra kahanêr o û vat: ''Yeno waştene ke no tarîx vîra şoro la ma do nê mîrasî biresnê Ewropa û pê xebatanê xo yê hunerî ney rê dewam bikerê.''

Çarçewa projeyê 'Ma eşkera yê' de fîmê dokumentî yê ke Silêmanî û Swîsre de ameybî girewtene ameyî mojnayene.