Tîyatroyo ke nameyê di gerîlayan ê cinîyan ser o ronîyayo, çar serrî yo xeylêk karî keno. Teatra Sarya Baran karê kargehî yê 6 mengan ra dima Koma Tîyatroyî ya Domanan zî perwerde kena.

Teatra Sarya Baran a ke koma verêne ya tîyatroyê cinîyan a, 2018 de perwerdekerdişê 3 kaykerdoxan ra dima ronîyaye. Nê 3 şagîrtî Bera Ferec Hesen, Şevîne Xelîl û Zelale Cûma teorîya bi 6 mengan ra dima bi kayê 'Jin a bi tenê' 209 de tewra Festîvala Şehîd Yekta Herekolî bîyî. Înan festîvale de xelata kaykerdoxîya tewr başe û xelata dîrektorîya tewr başe girewte.

Kome nika derheqê babetanê kondîsyon, xeyal, teorî û kaykerdoxîye de çar kitaban amade kena.  Bera Ferec Hesen, Şevîne Xelîl û Zelale Cûma nika domanan perwerde kenê.

Teatra Sarya Baran heta nika 6 kayê tîyatroyî mojnayî.

Bera Ferec Hesen ard ziwan ke Rojawan de cinîyî karanê hunerî de zî serkêşîye kenê. Bera vat: ''Tîyatro xeyalê min ê domanîye bi. Nika ez xeyalanê xo ana ca. Ez wazena tecrubeyanê xo kesanê bînan de zî pare bikera û domanan perwerde bikera.'' 

Şevîne Xelîla ke 5 serrî yo mîyanê tîyatroyî de ya, ronayoxanê kome ra yew a. Şevîne nika binê Sîwana Hîlala Zêrîne de domanan perwrde kena. Şevîne vat: ''Keyeyê mi paştî daye mi. Înan keye de tim teqlîdê ke mi kerdêne ecibnayêne û waşt ke ez biba kaykerdoxe.''

Endama Koma Domanan Robistine Menal Hesen vat: ''Tîyatro zaf weşê mi şîyêne û mi bire daye ke ez tewra ci biba. Ma tîyatroyanê xo dîyarîya şarî kenê.''

Barîne Huseynîya 14 serre û Hêlîne Cuma zî vat: ''Bi rayîrê tîyatroyî ma hem xo resnenê hem zî şarê xo perwerde kenê. Ma wazenê bibê kaykordoxî û domanan perwerde bikerê.''