Eşkera bi ke Îbrahîm û Faîze Dînler ameyê destbendkerdene

Îbrahîm û Faîze Dînler hewteyêkî ra nata herêma Omerîyan a Mêrdînî de vînîbîyaye bîyî. Eşkera bi ke cinîye û mêrde ameyê destbendkerdene.

Herêma Omeryanî ya Mêrdînî de artêşa tirke 22ê teşrîna verêne de oeprasyonê îşxalî dabi destpêkerdene. Îbrahîm (73) û Faize (72) Dinler a roje ra nata vînîbîyaye bîyî.

Derheqê cinî û mêrdeyî de agahîyê neweyî vejîyayî werte. Dewijanê Qurdîsî pare kerd ke roja yewîne ya operasyonî de leşkeran eşt keyeyê Îbrahîm û Faîze Dînlerî ser û dima keyeyî ra vengê qirayîşî ameyî.

Dewijan da zanayene ke Îbrahîm û Faîze Dînler pê şîdetî destê înan de kelemçe keyeyî ra ameyê vetene û leşkeran ê nişnayê wesayîtê zirxînî berdî.

Na agahîye ra dima cendirmeyî neçare mendî, keyeyê Dînlerî gêrayî û înan qebul kerd ke Îbrahîm û Faîze Dînler destbend kerdê.