Merkezê Îrtîbatî û Çapemenîye yê HPGyî bi eşkerayîyêka nuştekîye derheqê çalakîyanê gerîlayan û hêrişê îşxalî yê artêşa tirke de zanayîş da.

Eşkerayîye de nê ameyî parekerdene:

''Çarçewa Hemleya Şorişgêre ya Bazanê Zagrosî 2ê tebexa de Qirrika Şehîd Canşerî ya warê Werxelê  yê Avaşînî de çar hetan ra vera îşxalkeran operasyono  koordînekerde  ame kerdene. Çalakîye de 3 mewzîyî eynî wextî de ameyî pirodayene. Hetê bînî ra îşxalkerê ke warê daristanî de nimiteyî bî hetê hêzanê ma ra gerîyayî binê kontrolî û gama ke înan waşt mudaxaleye çalakîye bikerê mesafeyo nêzdî ra ameyî pirodayene.

Operasyono şorişgêro ke bi ruhê Fermandar Mahsûm Korkmazî ame kerdene  de 8 îşxalkerî ameyî kiştene, 2 îşxalkerî birîndar bîyî û  3 mewzîyî ameyî îmhakerdene. No operasyono serkewte yo ke Gerîlayanê Serkewtişî yê Kurdîstanî derbeyê pîlî dayî dişmenî ro semedê selamkerdişê Roşanê Ganîbîyayîşî yo Neteweyî yê 15ê Tebexe ame kerdene.

2ê tebaxe de xeta Qaşûra ya Metîna de têgêrayîşê helîkopteran qewimîya. Eynî roje dewê Kêste û Hirorê yê Amedîye pê hêlîkopteranê hêrişî ameyî bombardumankerdene.

3ê tebaxe de  warê Çemçoyî û Rênçbiraxa yê herêma Zapî hetê qereqolanê sînorî ra pê obusan ame bombarardumankerdene. Reyna warê Çemço, Sîda û Werxelê zî pê teyarayanê şerî ameyî bombardumankerdene.

Nê hêrişê ke ameyî kerdene de vînîbîyayeyê ma çîn ê.''