Analîstê Rojhelatê Mîyanênî û hemwelatîyê Başûrî Nîyaz Hamîdî ANFyî rê qisey kerd û bale ante ser ke eke PKK lîsteya terorî ra bêro vetene, krîzê Rojhelatê Mîyanênî eşkenê bêrê çareserkerdene.

Hamîdî vat: ''PKK pê felsefe û têkoşînê xo wijdanê şarî yo. Ganî Yewîya Ewropa û Amerîka PKKyî lîsteya terorî ra bivejê. Seba ke PKK mîyanê na lîste de yena cakerdene herême de bêaramîye û meseleyî dewam kenê. PKK hînî têna yew partî yan zî têgêrayîş nê seba Rojhelatê Mîyanênî û dinya projeyêk o. Rojawan zî numûneya na projeyî ya.''

Hamîdî da zanayene ke projeyê konfederalîzmê demokratîkî seba krîzanê Rojhelatê Mîyanênî û dinya çareserî ya û vat: ''Eke PKK mîyanê na lîste ra nêro vetene faşîzm do dewam bikero, Kurdîstan û herême de îşxal û qirkerdişî do dewam bikerê. Eke Amerîka û Ewropa aramîya na herême wazenê ganî goreyê menfaatanê Tirkîya, Îran, Sûrîye û Iraqî têmegêrê.''