YJA STARî Fermandare Sozdare Cûdî yad kerde

Fermandarîya Qerargehê Merkezî ya YJA-Starî Fermandara Eyaletê Mêrdînî Sozdare Cûdîua ke gulana 2021î de şehîd bîye, yad kerde.

Fermandarîya Qerargehê Merkezî ya YJA-Starî Fermandara Eyaletê Mêrdînî Sozdare Cûdîua ke gulana 2021î de şehîd bîye, bi eşkerayîyêke yad kerde.

Eşkerayîye wina ya:

''Nê prosesî de ke Komployo Mîyanneteweyî vera Rayberîye û têgêrayîşê ma zêdîyeno û dewam keno, ma hê şerê cuya rûmetêne kenê. Têkoşînê Azadîye de ke ma tede ewladê tewr erjîyayeyî yê şarê xo şehîd dayê bawerîya ma ya bi Rayberîya ma, şarê ma û serkewtişî ma bêmexlûb kena. Raştîya partîya şehîdan, manewîyatê şehîdan, îradeyê xurtî pratîkê ma yê 2021î de reyna vejîyaye werte. Sîyanê, Werxelê, Zendûra, Girê Sorî de ruho fedayî vejîya werte û vilayê pêro welatî bi.No ruh resa Cumalî, Şoreş, Sarya, Çavrêşan, Sozdaran, Nûjinan û Diljinan. 2021 de ma fermandarbîyayîşê cinîyan de resa lewe. Gerîlayanê tewr rind, mutewazî, azad û sadeyan ê nê şarî ra yewe zî embaze Sozdare Qamişlo bîye. Embaze Sozdare roja verêne ra nata tim bîye wayîra tewrbîyayîşêkê durust, mutewazî, kedkar û fedakarî. Ney kerd ke a cade PKKyî de biba yew, mîyanê rêxistine de xo aver bera û bi lezî biba fermandare. A wextê kilmî de bîye mazhara heskerdiş û hûrmetê embazanê xo. A bîye fermandarêka winasên a ke hetê embazanê xo ra ameyêne heskerdene, cigêrayene. Embaze Sozdare Cûdî wexto ke Fermandarîya Eyaletê Mêrdînî kerdêne şehîd bîye.

Embaze Sozdare Cûdî şaristanê Qamişloyî yê Rojawanî ra ya. Qamişloyî destpêkê têkoşînî ra nata ewladê xo yê ercîyayeyî dayî nê têkoşînî û mojna ke Qamişlo eşiqê Rayberîye û azadî yo. Tewirê Qamişloyî PKKyî reyde bi yew û na yewîye ra embaze Sozdare vejîyaye werte. Seba ke ssey embaze Sozdare ewladêka çêre pîl kerda ma pê Qamişloyî çend sereberz bibê zî qîm nêkeno. Embaze Sozdare pê erjanê ke welatperwerê rûmetênî Apê Yusufî Qamişlo de awan kerdbî pîl bîye.

Embaze Sozdare Cûdî keyeyêkê welatperwerî de dadîya xo ra bîya. Embaze Sozdare 1999 de tewra têkoşînî bîye û bêteredût û bêeman têkoşîn kerd. Xebatanê şarî ra heta xebata leşkerîye, dîplomasî ra heta xebata kulturî aye pêro wezîfeyê xo ardî ca. Aye Zagrosan ra heta Rojawanî, rojawanî ra heta Garê, Garê ra heta Mêrdînî xeylêk waran de têkoşîn kerd. Aye Akademîya Şehîde Bêrîtane de asta koordîne ya xebatanê heyetî de ca girewt. Aye kerd ke xeylêk gerîlayê cinîyî partîye bişinasnê û tira hes bikerê û aye xeylêk çîyî musnayî gerîlayan ê cinîyan.

Embaze Sozdare 2019 de wextê têkoşînê tewr giranî de derbazê Eyaletê Mêrdînî bîye û wezîfeyê Fermandarîya Eyaletê Mêrdînî ya YJA-Starî kerd. Embaze Sozdare goreyê xeta azadîye têgêraye û goreyê şerê şorişgêrî yê şarî şer kerd. Aye krîterê PKKyî kesayetê xo de kerdî yew. A bîye îfadeyanê fermandarîyanê YJA-Starî ra yewe. Aye sey Diljîn, Nûjin, Dilsoz, Nûda û Verozan xeta Rayberîye û cuya azade ra tawîz nêdaye. Xoverdayîşê na cinîya çêre peynîya AKP-MHPyî arde. Sey fermandar û gerîlayanê YJA-Starî ma soz danê ke 2022 de faşîzmî bierşawê tarîtîya ci. Gerîlayê cinîyê ke xeta şehîdan de şer kenê do faşîzmî bin bikerê. Sîyanê, Zendûra, Dêrsim û Mêrdîn de qet yew hêz vera ruhê Apogîrî nêvindert û do nêeşko vindero.

Ma sere de keyeyê ercîyayeyî yê fermandara xo ya pîle û çêre Sozdare Cûdî rê, şarê Qamişloyî û pêro şarê xo rê serweşîye wazenê. Ma soz danê ke xeta şehîdan de têkoşînî pê serkewtişî tacîdar bikerê.''