Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke yê ke 22ê êlule de ameyî kerdene, de eşkerayîya nuştekîye daye û nê pare kerdî:

''Çarçewa Hemleya Şorişgêre ya Bazanê Zagrosî de Girê Şehîd Serxwebunî yê herêma Zapî de îşxalkerî hetê hêzanê ma ra pê çekanê giranan ameyî pirodayene. Netîceya çalakîye de îşxlakerî ameyî cezakerdene la hûmara înan safî nêbîye. Eynî roje warê Kûnişka yê Zapî de helîkopterê hêrişî yê ke waştene bombarduman bikerê hetê hêzanê ma ra ameyî hedefkerdene. Pirodayîşê bitesîrî de helîkopterêk ame derbkerdene.

Artêşa tirke pê madeyanê teqnayîşî Warê Xoverdayîşî yê Werxelê bombarduman kerd.

Warê Girê Cehennemî, Girê Rûbarî, Saca, Sîda, Şkefta Birîndara, Karker û Tîpa Tyî yê hêrama Zapî pê teyarayanê şerî ameyî bombardumankerdene. Eynî roje saetanê şewe de zî waranê Koordîne û Kînyaşî de têgêrayîşê helîkopteran qewimîya. Şewa 22ê êlule ra heta saetanê serê sibayî yê 23ê êlule Warê Mervanos, Tabûrê Ereban û Girê Silêmanî de têgêrayîşê helikopteran qewimîya û  eynî saetan de warê  Geliyê Basya, Qartal, Girê Silêman, Girê Şehîd Fırat, Girê Şehît Rizgarî pê helîkopteranê hêrişî ameyî bombardumankerdene. Artêşa tirke ya îşxalkere xelêk wexto ke waranê Dola Bizina, Qartal, Girê Lanetî û Gelîya Basya pê çekanê giranan bombarduman kena.''