Îşxalkeran Kobanê û xeylêk cayî dayî bombayan ver

Dewleta tirke ya îşxalkere xeylêk waranê Rojawanê Kurdîstanî dana bombayan ver.

Dewleta tirke ya îşxalkere xeylêk waranê Rojawanê Kurdîstanî dana bombayan ver.

Merkezê şaristanê Kobanê, Girê Miştenûrî û rayîrê Helebî dîyayî bombayan ver. Merkezê Kobanê û dormeyê ci, dewê Kobanê hema zî dîyenê bombayan ver.

Dewê Kobanê; Boban, Siftek, Selîm û Aşme de bombarduman dewam keno. Dewa Şêxlerî bi giranî dîyena bombayan ver.

Hetê bînî ra artêşa îşxalkere dewa Cirnikî ya Amûdê û dewa Çetelî ya Dirbêsîyê zî daye bombayan ver.

Goreyê xebera Meclîsê Leşkerî yê Minbidî dewleta tirke ya îşxalkere qereqolê dewa Toxar Kebîrî ra hawanan erzena dewanê Cat û Masî yê Minbicî.

Dormeyê Akademîya Hêzanê Sorontoyî ya Sûryanîyan a ke dewa rotanî ya Tirbesipîyê de ya, bi 3 topan dîyaye bombayan ver.

Îşxalkerî dewanê Gozeliyê, Til Leben, Um Xêr, Til Tewîla Asûran û Selmase yê Til Temirî zî hê danê bombayan ver.

Bombarduman de zerarêko pîl resa baxçe û erdê dewijan ser.

Dewê Bênê, Sonxanekê û Qinêtirî yê qezaya Şêrawa yê Efrînî zî binê bombardumanî de yê. Goreyê agahîyan tewr tay 30 obusî kewtê na herême.

Bombardumanan de qezaya Zirganî de domano 11 serre Feysel Yildirim birîndar bi.