Artêşa tirke ya îşxalkere 11ê nîsane de Warê Xoverdayîşî yê Girê Cûdîyî de bi teqaberanê qedexeyan û çekanê kîmyewîyan hêrişê tunelan kerd. Hêriş de gerîlayê bi nameyê Besê û Mîtra şehîd bîyî.
Belgeya ke tede qerarê Konferanê Tewirê Hemparî û Yewîye yê Rojawanî cagênê ameye tesdîqkerdene. Belge de yeno vatene ke herêmê kurdan binê Sûrîyeyêka federale de cabigêrê.
Hemserekîya Konseya Rayberdişî ya KCKyî ke mesajêk Konferansê Yewîya Kurdan a Rojawanî rê şawit, wina vat: ''Senî ke Rayber Apoyî vato, wext wextê azadîya kurdan o.''
Fîkret Başkaleyê ke derheqê prosesî de dewlete rexne kerd, vat: ''Seba ke çew bieşko qala prosesê haştîye bikero gerek verî şertê haştîye biamêyene afirnayene. Çareserkerdişê meseleya kurdan pîya bi demokratîkbîyayîşê Tirkîya eşkeno aver şiro.''
