Paştdayîşê seba 'Vilaweka Rîsipîyan' dewam keno ke 21ê temmuze de hetê 101 sîyasetmedar, akademîsyen, nuştox û hunermendan ra amebî weşanayene. '404' hemwelatîyan zî paştî daye vilaweke.

Metnê 404 kesan wina yo:

''Ma tewrê vengdayîşê 101 rîsipîyan benê û vanê ke welatêk de ke bêqîmet bîyo, hîşmendîya demokrasî û dewleta huqûqî ra dûr kewto, her roje bi desan kesî tepişîyenê û kişîyenê, heqê cinîyan yenê sînorkerdene, kîn û hêrs yenê geşkerdene, merdimî benê hedefê polîsan ma rê dostanê ma rê û merdimanê ma rê gef yeno wendene.

Seba ke na rewşe bivurîya ganî îqtîdar goş bido vengê hemwelatîyan, muxalefet zî seba awankerdişê platformê demokrasîyî yê hîrayî têbigêro. No seba afernayîşê welatêkê terefgîrê şarî gamêka lezabeze û hewce ya.''