Dewa Hajîyanî ya qezaya Dara Hênî ya Çewlîgî de qoricî Ahmet Tumeno  ke mehkeme qerarê cinîyê ci Fatma Tumen ra dûrfînayîşî dayo û merheleyê verdayîşî de yê, bi çeke  cinîya xo ya ke waştêne ey caverde, kişte.

Tumeno ke cinîya ci ya verêne rîyê şîdetî ra o ca verda, reyna zewajê xo yê diyînî de zî  vera Fatma Tumen bi hawayêkê sîstematîkî şîdetê xo rê dewam kerd. Rîyê şîdetî ra zewajê înan ame merhaleyê verdayîşî û mehkeme qerar da ke Ahmet Tumen do Fatma Tumen ra dûrî vindero. Rixmê nê qerarî bînşewe Ahmet Tumenî bi çeke xo yê qoricîyî eşt keyeyê Fatma Tumene ser û keyeyî ser guleyî varnayî. Dima ra kewt zereyê keyeyî û Fatma Tumene qetil kerd. Qoricîyî dima ra bi heman çeke peynîya cuya xo zî arde.