Merkezê Pêroyî yê Komeleya Heqanê Merdiman (ÎHD) derheqê hêrişanê vera Rayraşîyayîşê Demokrasîyî yê HDPyî de eşkerayîyêka nuştekîye daye.

Eşkerayîye de ame parekerdene ke rayraşîyayîş de HDP zaf ame astengkerdene û endamê partîye ameyî destbendkerdene. ÎHDyî vist vîrî ke HDP partîya pîle ya hîrêyîne ya û vat: ''Qedexekerdişê karê sîyasî û heqê nawnayîşan û kombîyayîşî yê partîyêka winasêne kerdişêkê dewleta polîse yo.

Qedexekerdişê heqê xozayî yê HDPyî mojneno ke Tirkîya de hîşmendîya demokrasîyî çin a û îqtîdar têna seba xo demokrat o.''

ÎHDyî eşkerayîya Serekkomarê Tirkîya ya derheqê vîrusê Korona de vist vîrî û vat: ''Pêro tedbîrî ameyî wedartene û bi lezî derbazê normalbîyayîşî ame kerdene. Na çarçewe de têkoşînê demokrasîyî meşrû yo û nêbeno ke bêro asrengkerdene.''