Wezîrê Karanê Teberî yê Îranî derheqê peymana nukleerî ya ke serra 2015 de Vîyana de ameya îmzakerdene, peyamêko bi dîmen weşana.

Zarîfî vat, "Ganî têkilîyê ekonomî yê Îranî normal bibê û ard ziwan, "Eke cimato mîyannetewe û welatê endamê peymane sey dostanê ma Çîn û Rûsya wazenê no îcraet bêro pawitene, ganî bi gamanê şênberan ê ke feydeyê ci reseno Îranî, qetî nîşan biderê.”

Alozîya mabênê DYE û Îranî hewteyanê peyênan de zêde bîye. Washîngtono ke xo peymana nukleerî ra ancîyoû hêzê caardişî vîstî dewrê, na dolime Tehran sûcdar kerd ke planê hêrişî yê vera karanê DYE keno û keştîya şerî û bataryayê Patrîotî şawitî Kendawe. Keştîyêka teyareyan û teyareyê şerî zî herême de ca kerdî.

Îranî zî 15'ê Gulane de game eşte û bi hawayêkê fermî da zanayene ke înan tayê sozî çarçewaya peymana nukleerî de dayê wedaritene. Îrano ke plan keno berardişê ûranyumî zêde bikero, DYE reyde muzakereyî red kerdî.

Serekkomarê Îranî Hasan Rûhanî da zanayene, hewteyê vîyarteyî de înan welatanê endamanê peymane (Çîn, Rûsya, Almanya, Fransa û Îngilîstan) qerarê xo ra hayîdar kerdê.