Şarê Kobanê vera hêrişê dewleta tirkî vejîya meydanan

Şarê Kobanê semedê protestokerdişê hêrişanê dewleta tirkî vejîya kuçeyan. Çalakîye de qerarê Amerîka yê ke hîrê îdarekaranê PKKyî hedef geno zî ame şermezarkerdene.

Kobanê de bi hezaran kesî vejîyayî meydanan û hêrişê dewleta tirkî yê serê Rojawanî û qerarê Amerîka şermezar kerdî.

Çalakwanî Meydanê Jina Azad ra heta Meydanê Şehîd Egîtî rayîrraşîyayîşêk viraşt û bi slogana ‘‘Hêrîşê serê Kobanê hêrişê vera merdimîye yo‘‘  bêvengîya mîyanneteweyîye protesto kerde.

Çalakîye de Hemserekê Meclîsê Kantonî yê Kobanê  Mistefa Îtoyî û îdarekaranê Kongreya Statî ra Almaz Romî xîtabê şelîgî kerd.

Qiseykerdoxan ard ziwan ke dewleta tirkî bi hêrişan projeyo demokratîkî yê şaranê herême hedef gena, wazena ke şaran biverdo pê û DAÎŞî newe ra ganî bikero.

Reyna qerarê Amerîka yê vera rayberanê Têgêrayîşê Azadîye yê Kurdîstanî zî ame şermezarkerdene.