Şarê Mêrdînî: Ma mende yê, qeyûmî do şirê

Şarê Mêrdînî  ard ziwan ê ke do destsernayîşê qeyûman qebul nêkerê û va: "Ma zerrî û canî ra xebitîyenê, ma îradeyê xo sindoqan de mojnayo. Ma mende yê, ê do şirê."

Mêrdînijan vera xespkerdişê şaredarîyanê Kurdan hêrsê xo ard ziwan û vat ê do bi xoverdayîşî qeyûman bajaranê xo rê vejê.

Eşref Mamedodlûyo Farqînij o ke her roje çalakîyanê Mêrdînî de ard ziwan ke ganî merdim nê meseleyê qeyûman de bi hewayêko cîya bifikîre û va: ‘‘Sazkerdişê komare ra heta nika ser Kurdan de asîmîlasyon ameyo kerdene, nika zî qeyûmî nê çi kenî. Wexto ke behsa qeyûman yena kerdene gereka qirkerdişanê Qoçgirî, Dêrsim, Zîlan bêrê vîrê ma. Eke ma her hetî ra bifikîrê, ma do fam bikê ke nê qeyûmî çira ameyê wezîfedarkerdene.

'Ma Do Heta Peynîye Xo Ver Bidê‘

Mîthat Kiran zî eşkere kerd ke qeyûm yeno meneya destsernayîş û va: "No qerar yew cayê qanûn, huqûqî û sîyasetî de çin o. Bloka faşîste seba ke eciztîya xo safî bika û polîtîkayanê şaşanê bi welatanê cîranan bika qeyûmî wezîfedar kerdî. Ma do heta peynîye dewam bikê xoverdayîşê xo. Ma her roje nê berî de xo ver danî." Nazim Kok zî ardo vîrî ke aqilê qeyûman, bawerîya înan ke pê sindoqan û demokrasî estbî erdî ro kerd. Rênas Savûşe zî vana seba wayîrê amayoxê xo biveje sey yew cinîye beşdara çalakîye bîya û îfade kerd ke ewro a zî sey embazanê xo yê bînan nê berî de seba ke wayîrê îradeyê xo biveje ameya.

'Xoverdayîşê Ma Dewam Keno‘

Halîse Ceber zî va: "Ma do xo ver bidê. Tasdîq karakterê ma de çin o. Her roje ma şinê ser sindoqan û pey ra zî pê meneyanê batalan weçîniteyanê ma şaredarîyan ra vejenî. Yan weçînayîş mekerî yan zî coka şima kenî ma kamî weçînayî, înan qebul bikî. Ma teyna mehesibnê. Çend eşkenî qeyûman wezîfedar bikî, heta ke no şar nêwazo ê mecbur ê  şirê."