Agirî û Colemêrg de çalakîyê gerîlayan: 19 leşkerî ameyî kiştene

HPGyî da zanayene ke Bazîdê Agirî de gerîlayan çalakîyêk viraşte l0 leşkerî ameyî kiştene û 10 ra zafêr leşkerî zî birîndar bîyî. Colemêrg de zî çalakîyanê gerîlayan de 9 leşkerî ameyî kiştene.

Merkezê Çapamenî û Îrtîbatî yê HPGyî bi eşkerayîyêk derheqê çalakîyanê  Agirî û Colêmegî de zanayîş da.

Eşkerayîya HPGyî wina ya:

BAZÎD DE 10 LEŞKERÎ AMEYÎ KIŞTENE

''Saetanê  cemê şanî yê 8ê  Teşrîna peyêne de çarçiweya Hemleya Şorişgêrî yê Serkewtişî de hêzanê ma qezaya Bazîdî ya Agirî de hemverê îşxalkaranê tirkî ke Qilê Birnê Reşî de ameybî cakerdene de çalakîyêk viraşte. Netîceyê çalakîye de 3 stargeh û 2 mewzîyê dişmenî ameyî îmhakerdene û tesbîtkerde 10 leşkerî ameyî kiştene û 10 ra zafêr leşkerî zî birîndar bîyî.

Artêşa tirkî ya îşxalkare çalakîye ra dima wareyî raşte raşt bi obus û topanê hewanî bombardûman kerd û bado zî bi helîkopteran merde û birîndarê xo herême ra kiriştî.

ÇELÊ DE 3 LEŞKERÎ AMEYÎ KIŞTENE

Heman roje saetanê sibayî de hêzanê ma qezaya Çelê ya Colemêrgî de zî çalakîyêk viraşte.  Qilê Xerqolî de îşxalkarê tirkî hedef ameyî girewtene. Stargeh û mewzîyê dişmenî di qolan ra bi tesîrî ameyî pirodayene. Netîceyê çalakîye de 3 leşkerî ameyî kiştene û 1 leşker zî birîndar bi. Artêşa tirkî ya îşxalkare çalakîye ra dima wareyî raşte raşt bi obus û topanê hewanî bombardûman kerd.

GEVER DE 6 LEŞKERÎ AMEYÎ KIŞTENE

7ê Teşrîna peyêne de saetanê nîmrojî de hêzanê ma Qilê Şehîd Raîme ke pabesteyê qezaya Geverî ya Colemêrgî de hemverê îşxalkaranê tirkî ke rayîrê asayîşî viraştêne çalakîyêk viraşte. Di qolan ra mewzî û makîneyê gureyî yê dişmenî ser o guleyî ameyî varnayene. Kepçeyêk ame îmhakerdene û tesbîtkerde 6 leşkerê dişmenî ameyî kiştene. Artêşa tirkî ya îşxalkare çalakîye ra dima herême  raşte raşt bi obus û topanê hewanî bombardûman kerd.''