Akgul: Ganî Birêz Ocalan cade azad bo

Endamê Dîvanî yê KCDyî Adnan Akgul o ke vera tecrîdê Îmraliyî hêrsê xo ard ziwan vat: ''Seba ke tecrîdê serê Birêz Ocalanî bêro wedartene ganî her ca de têkoşînêko xurt bêro rayraberdene. Seba huzurê welatî ganî Brêz Ocalan cade azad bo.''

Endeme Kongreya Komelê Demokratîkî   (KCD) Adnan Akgul o ke ANFyî rê qisey kerd vera tecrîdê serê Rayberê Şarê Kurdî Abdullah Ocalanî hêrsê xo ard zwan û vat: ''Heme heqê huqûqî yenê binpaykerdene. 21 serrî yo Ocalan binê tecrîdê granî de yo. Ganî vera naye têkoşînêko xurt bêro rayraberdene. '' 

Akgulî vist vîrî ke xeyrê xoverdayoxanê grevê vêşanîye û rojeyê mergî û Hemsereka KCDyî Leyla Guven tecrîd qismêk ame şiktene û vat: ''Netîceyê xoverdayîşê şarî de dewlete mecbur mend ke game eşte. La îqtîdar çi wext biwazo rojdemî bibedilno cade tecrîdî keno xori. Îtîfaqo faşîst ê AKP-MHPyî seba ke estbîyayîşê xo bidomno bi tecrîdî şerî keno xori. Destê înan de têna şer û înkarê kurdan esto. Tecrîdê vera Birêz Ocalanî xora vera şarî yeno kerdene.  Nê semedî ra krîzê ekonomî û sîyasîyî gird benê. Semedê huzur û haştîye ganî tecrîdê vera Ocalanî bêro wedartene. Têkoşînê şar û sîyasetmedaran ge-ge hukmat rê peyser game dano eştene û desturê pêvînayîşan yeno dayene. La no nîno no mana ke tecrdî qedîyayo. Semedê azadîya Ocalanî ganî têkoşîn tim û tim bêro domnayene.''

Akgulî wina dewam kerd: ''Ganî hinî şar û sîysetmedarê kurdî herinda wedartişê tecrîdî de azadîya Ocalanî biwazê. Heta ke Birêz Ocalan azad nêbo do komel zî azad nêbo. Heta ke komel azad nêbo zî Rojheleta Mîyanênî de şer nêqedîyeno. Bi nê komployî ame waştene ke şarê kurdî sey esîr bêro girewtene û têkoşînê ci bêro çînkerdene. Komplokeran waşt ke Rojhelatê Mîyanênî newe ra dîzayn bikerê. Felsefe û fikranê Birêz Ocalanî şarê kurdî û Rojheletê Mîyanênî ser o tesîrko gird aferna. Şar bi heyecanê girdî hayîdarîyê ke Îmrali ra  yenê paweno. Birêz Ocalan 21 serrî yo  bi projeyan ziwanê haştîye qisey keno. Coka ganî ma semedê azadîya Ocalanî têkoşînî xurt bikerê.''

Akgulî qiseykeridşê xo bi nê vatişan qedîna: ''Birêz Ocalan eşkeno haştîye bîyarê û dewlete zî naye zaf hole zana. Sebebê tecrîdî xora problemê kurdî yo. Problemê kurdî zî kilîtê çareserîya Rojhelatê Mîyanênî yo. No kilît zî Birêz Ocalan o. Birêz Ocalan pêvînayîşê xo yê peyên de bale ante babetanê girîngan ser la dewlete nêwazena problemî hal bikero. Tarîxî ra heta ewro bi polîtîkayanê şerî qet netîce nêame girewtene. Na polîtîka têna welatî fînena tengayî. Semedê huzurê welatî  ganî Birêz Ocalan cade azad bo.''