Kongreya Komelê Demokratîke (KCD) serrgêra 12ê êlule de îzehetêko nuştekî daye. KCDyî îzehetê xo de vato ‘ma serrgêra derbeya 12ê êlule ke rîpelê tewr tarî yê tarîxê Tirkîya yo de, yê ke na derbe viraştî, lanet kenî’.

Dewamê îzehetê KCDyî de wina ameyo vatene: “Derbeya 12ê êlule bi kerdişanê teberê merdimîye, îşkence, înfazê bêmehkeme, îdam, mîlyonêk ra zêde tewqîfkerdişî, zextê ke çapemenîye, sendîka, cinîye, ciwan û kurdan ser o ameyî kerdene prosesê demokratîkbîyayîşî yê Tirkîya parçe kerda. Qanûno bingeyî ke bi zext, zor û şîddetî awan kerdbî, heta roja ma ya ewroyî ameyo.”

DO HESAB BIDÎ ŞARÊ MA

KCDyî îzehetê xo de wina vato: “Ruh, kerdiş, polîtîka û qanûno bingeyî yê derbeya 12ê êlule hetê faşîzmê AKP û MHPyî ra ameyo wayîr vejîyayene. Faşîzmê AKP û MHPyî sey sentez û aktuelîzekerdişê heme derbeyan estena xo domneno. Yê ke derbeya faşîste ya 12ê êlule viraştî û yê ke roja ma ya ewroyî de derbe pratîze kerdî do hesab bidî şarê ma. Ma bi nê zanayîş û bawerîye, yê ke derbeya 12ê êlule viraştî serra 39. de yewna rey lanet kenî.”