AKPyî dest na bînaya NÇMyî ser zî

Bînaya Merkezê Kultur û Hunerî ya Mezopotamya ya Beyoglu ya ke 18 serran ra nata şuxilîyena, yena vengkerdene. Bîna do seba şaredarîya AKPyî do bêra tesîskerdene.

Bînaya Merkezê Kultur û Hunerî ya Mezopotamya (NÇM) ya Beyoglu ya ke 18 serran ra nata şuxilîyena, 2019 de hetê Mudirîya Weqfan ra 3 reyî dîyaye îhale.

Selahîyedaranê NÇMyî 3 reyî zî îhale girewte. La Mudirîye bi bahaneya ''bi qîmî reqabet nêqewimîya'' îhale betal kerde.

Xebatkarê NÇMyî Ferît Elalmişî vat îhaleya peyêne de ê ser nêkewtî û Mudirîya Weqfan 4 mengî verê cû teblîgat erşawit ke bîna bêra vengkerdene. La teblîgat hetê muzîsyenêkî ra ame îmzakerdene ke selahîya ci ya seba îmza çin a.

Elalmişî îfade kerd ke înan  Mudirîya Waqfan rê vat ke kesê ke selahîya înan çin a, nêeşkenê îmza bidê la Mudirîye goş nêda înan. Mudirîye NÇMyî rê da zanayene ke eke ê bîna veng nêkerê Mudirîye do bi zorî înan bîna ra veja.

Elalmişî vat: ''Mudirîya Weqfan bi hawayêkê sîyasîyî têgêreno. Şaredarîya Beyogluyî bîna wazena. Bîna dewrê qeymeqamîya Beyogluyî bîye ke bida şaredarîye.''

NÇMyo ke seba 49 serran bîna kerde kîra amadekarîya dewa kenê.