Amed de demê nezaretî reyna ame dergkerdene

Amed de 9 rojî yo ke endamê şaredarîya Amedî Ridvan Ezer û Endamê Meclîsê Partîye yê HDPyî Mesut Bagcik pîya bi 14 kesanê bînan Şubeyê TEMî de yenê tepiştene. Demê nezaretê nînan raya hîrêne ame dergkerdene.

8ê kanûna 2019î de Amed sereştişê keyeyan ê Çinar, Baglar û Kayapinar de 24 kesî ameybî destbendkerdene û înan ra 21ê kesî bi îdîaya 'endamîya rêxistene' ameybî tepitşene.

Çarçeweya hemen cipersayîşî de 13ê kanûne de endamê şaredarîya Amedî Ridvan Ezer û Endamê Meclîsê Partîye yê HDPyî Mesut Bagcik pîya bi 14 kesê bînî ameyî destbendkerdene. 16 kesê ke 9 rojî yo nezaret de yê raya hîrêne demê nezaretê înan ame dergkerdene.

Hetê bînî ra ame zanayene ke Endamê Ciwanîye yê HDPyî Mesut Agirtaş û Yilmaz Uzun di rojî yo nezaret de yê. Avûkatanê ciwanan ê ke înan de pêvînayîş kerd vat sebebê girewtişê muwekîlanê ma, ma rê nêame vatene.