Serekwekîla Koma HDPyî Merale Daniş Beştaş vat îqtîdar pê medya, metodanê cîya-cîyan xîret keno ke HDP teberê sîyasetî de biverdo.

Merale Daniş Beştaş vat: ''Ê vanê dewaya qefilyayîşî abikerê, hetkarîya xazîne bibirnê.Qet yew dewa û cezaya pereyî nêeşkenê verê bi mîlyonan bigêrê. No mumkîn nîyo. Ma xurt ê la ê qels ê. Ma hêzê xo heqdarî, meşrûtî û huqûqî ra gênê.''

Beştaşe bale ante pêvînayîşê Erdogan û Bahçelîyî yê 5ê çeleyî ser û vat: ''Pêvînayîşî ser o tay nîqaşî estê. Netîceyê weçinînayîşê Amerîka û rewşa krîzê ekonomîkî verê çiman de yê. AKP û MHP mabênê xo de HDP û kurdan ser o nîqaş kenê.''

Beştaşe da zanayene ke kes nêzdîyê HDPyî nêbeno, HDPyî rê hemkarîye nêkeno û medyaya terefgîre wazena HDP sey şeytan, rêxistina sûcî bimojna. Beştaşe vat: ''Pê nê polîtîkayan ê hêrişê partîya ma kenê.''

Beştaşe eşkera kerd ke polîtîkaya sereke ya AKP-MHPyî dişmenîya vera HDP û kurdan a. Beştaşe vat: ''Îqtîdar zî zaneno ke HDP rakîbê ci yo verên o. Hayîya îqtîdarî pê hêzê HDPyî esta coka bi nê ters û dişmenî hêrişê HDPyî kenê. Ê vanê dewaya qefilyayîşî abikerê, hetkarîya xazîne bibirnê.Qet yew dewa û cezaya pereyî nêeşkenê verê bi mîlyonan bigêrê. No mumkîn nîyo. Ma xurt ê la ê qels ê. Ma hêzê xo heqdarî, meşrûtî û huqûqî ra gênê.''