Cengê Heftanînî de Çekdarêkê Amedî

Seba ke Kurdîstan de bi hawayêkê azadî şer bikero kewtbi rayîr. Amedî ra verê xo dabi Heftanînî. Zanayêne ke bedelê azadîye giran o. Pê na hîşmendîye amebi koyanê azadan.

Çekdar Amed ê gerîlayan ra yew bi ke Heftanîn de pê waştişêkê pîlî xo ver da û serkewtişî ra bawer kerd. Şer seba ameyoxê domanan, azadîya şarî bi. Şer seba edalet, azadî bi. Zaf giran û bidej bo zî şer seba Kurdîstanî bi. Çekdar zî seba naye kewtbi rayîr û xo resnabi Heftanîn. Çekdarî zanayêne ke bedelê azadîye giran o. Pê na hîşmendîye amebi koyanê azadan.

Gerîla Çekdar sembolan tewr rindan ê perwerîya embazîye bi. Cengê Heftanînî şahîdê xoverdayîşêkê winasênî bi ke asta tewr berze de bi. Xoverdayîş zî şer zî çêranê xo afernenê. Xoverdayîşî Çekdar weçîna, Çekdarî zî xoverdayîş. Çekdar dişmenan ser o şi ke çim verdaybî erdê ci.

''Na çalakîye seba qesasê şehîdanê ma ya. Coka armanc û qerardarîya ma zaf a. Seba hewn û xeyalê embazanê ma ke nê oxirî de şehîd bîyî, ma do azadîye bivisnê destî û dîyarîya şarê xo bikerê. Sozê ma serkewtişê ma yo. Wexto ke ma şehîd benê sozê ma yeno ca. Pêro embazanê ke tewrê na çalakîye bîyî, hewn û xeyalê serkewtişî kerdî. Embazanê şehîdan serkewtiş û xoverdayîş ma rê verdayî, fermanê naye da û şîyî. Nika ê ma reyde yê, ez do tim rêçê hewn û xeyalanê înan ser biba.''

Nê vatişî vatişê peyênî yê Çekdar Amedî bîyî. Çekdar Amed 25ê nîsana 2020î de Heftanîn de warê Şehîd Kendalî de 3 embazanê xo reyde şehîd bîyî. Çeper de vera îşxalkeran şer kerd û dima zî kewt verarê erdî.