Hemserekê HDPyî ya Amedî Zeyyat Ceylanî ANF reyde qisey kerd û qala rojdemî û karanê partîya xo yê serra 2020î kerde.

Beşêkê qiseykerdişê Ceylanî wina yo:

"HDP serra newîye de xo hetê teknîkî û rêxistine ra aver bero, bi konferansanê cinîyan, ciwanan rêxistina xo xurtêr bikero û têkoşînê xo bi nê hawayî dewam bikero.Peynîya sibate de HDP do kongreyêke serûber bikero û bi na kongre HDP do biba wayîrê îrade û însîyatîfêkê hîna pîlêrî.

Ganî şarê kurdî vera polîtîkayanê gemarinan û hêzanê emperyalîstan menfaatanê xo her çi ra ver bivîno û pîya têbigêro. Coka awankerdişê yewîya neteweyîye hewce yo. 

Serra 2020î de ganî ma nê prosesî biercna. Şarê kurdî eke mesela yewîya neteweyîye çarser bikero rojawan de zî hêzê demokratîkî do faşîzm çin bikerê. 

Ma do Vakurê Kurdîstanî de polîtîkayanê rastan bikerê. Ma do sîyasetê demokratîkî û metodanê sîyasîyan de israr bikerê. Xora sîyaseto ke ma heta nika kerd bi nê hawayî bî. 

Birêz Ocalan 20 serrî yo binê tecrîdî de yo û her tim bi vengê haştîye. Wexto ke vengê ci ame aramîye ameye caardene. 

Ganî ma vengê Birêz Ocalanî biresnê pêro şaran. Hewce yo ke ma pîya zîncîranê Îmraliyî bişiknê. Serra 2020î do biba serra têkoşînê vera tecrîdî.

Berpirsîyarîya ma ya ke ma bi metodan û rayîranê zengînan têbigêrê. Seba zengînkerdişê cuyr û rêxistinkerdişê şarê xo seba çinkerdişê faşîzmî ganî ma metodanê cîyayan xo rê esas bigêrê. 

Her têgêrayîşê ma netîceyêkê bêhempa awan keno.  Destê ma de zaf metodî estê. Ma do kongreya xo serûber bikerê. Bi rexnekerdişan û rexnedayîşan ma do xo hîna aver berê.