Cinîyan Moskova de tecrîd protesto kerd

Cinîyanê kurdan ke Moskova de cuyenî, tecrîdo ke Rayberê Şarê Kurdî Abdullah Ocalanî ser o yeno domnayene, protesto kerd û seba yewîye veng da.

Cinîyê kurdî ke Moskova de cuyenî, seba ke tecrîdê girankerde ke Rayberê Şarê Kurdî Abdullah Ocalanî ser o esto şermizar bikerî, ameyî têhet û cinîyan îzehetêk da çapemenîye. Îzehet Mala Kurdan de ame dayene. Cinîyê ke beşdarê îzehetî bîyî, dîyar kerdî ke ê Ocalan ra ti xebere nêgênî û her ke şono etirîyayîşê înan zêde beno.

HÊRIŞÎ TECRÎD REYDE ELEQEDER Î

Hemsereka Vîyanî ke tevgerê cinîyanê kurdan yê Moskova yo, Tera Qadire îzehet de qisey kerde. Qadire va ‘ma kurdî nê nizdîbîyayîşê faşîstî qebul nêkenî’ û wina domnaye: “Ewro Vakur, Başûr, Rojhelat û Rojawanê Kurdîstanî de hêrişê hovane benî. Ma dewleta tirk û heme hetê ke gonîya kurdan de engîşta înan esta, şermizar kenî. Nê hêrişî tecrîd reyde eleqeder î.”

VERA ÎRANÎ DE REAKSÎYON

Qadire daye zaneyene ke hetê Îranî ra îdambîyayîşê 3 ciwananê kurdan nîno qebul kerdene û ganî Îran fek na polîtîkaya xo ya qetilkare ra vera bido.

Bingeyê problemanê kurdan de pêrodayîşê ke herême de seba menfîetî yenî kerdene estî. Ganî kurdî bi yewîya neteweyî cewab bidî nê probleman.