Çalakîyê paştdayîşê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî, rayberîya Leyla Guvene de yene domnayene, dewam kenê.

Bajarê Wuppertalî yê Almanya de  hetê cinîyan ra çalakîya bêvenge ameye organîzekerdene. Çalakîya ke hetê Meclîsê Cinîyan ê Vîyane, û cinîyan ê Bîr-Kar û SKB’yî ra ameye viraştene  vera tecrîd û grevê vêşanîye bêvengîya Ewropa ameye şemezarkerdene.

Paytextê Awusturya Vîyana de  zî cinîyan bi çalakîyêk bale ante serê girevê vêşanîye. Çalakîya ke Têgêrayîşê Cinîyan Awesta organîze kerde de derheqê tecrîd û girevan de vilawekî ameye vilakerdene û rayapêroyî ya Awusturya û rêxsitinanê heqanê merdiman ra ame waştene ke vengê xo berz bikerê.