Dewleta tirke demo peyên de bi Wesayîtanê Hewayî yê Bêmerdiman (SÎHA) Kurdîstan û Lîbya qirkerdişan kena. Derheqê qirkerdişanê SÎHAyanê tirkan de konferanso online yeno organîzekerdene.

25ê hezîrane de Şarbajarê Silêmanî de SÎHAyanê tirkan 2 sivîlî qetlkerdbî û 8 kesî zî bîrindar bibî. 23ê hezîrane de zî dewa Helîncê ya Kobanê de hîrî cinîyê kurdî qetl kerdbî.

SîHAyê ke rojanê peyênan de vera Başûrê Kurdîstanî hêrişê înan zêdîyayî wextêko rojdemê partîyanê muxaletî yê Almanya de yê. Tewr peynî de hewteyo ravêrte de ajansê ma derheqê babete de xebara bi sernameyê Teknolojîya Roketsanî Almanya ra ya bale ante bi serê ke hukmatê Almanya çeke roşeno Tirkîya.

Civaka Azado ke Almanya de semedê kurdan û rayapêroyî xebat rayra beno derheqê qirkerdişanê SÎHAyanê tirkan de konferans organîze keno. Rîyê Korona ra konferans online yeno kerdene.

Rojnameger Matthias Monroyo ke derheqê wesayîtanê hewayî yê bêmerdiman de cigêrayîşan keno, temsîlkara Merkezê Tekîlîyanê Cinîyan ê Kurdan (REPAK) Merale Çiçek û pîsporê huqûqê mîyanneteweyî Dr. Robert Frau do tewrê konferansî bibê.

Konferanso ke do 11ê tebaxe de saete 19:00 de do bêro destpêkerdene do adresê https://civaka-azad.org/live/ ra sey ganî bêro dayene. Rojnamegerî eşkenê aderesê [email protected] e-posta  ra perseanê xo bipersê.