Dersîm Dage: Semedê azadîya nê erdî çi destê ma ra bêro ma do bikerê

Parlementera HDP'yî ya Amedî Dersim Dage Nobeta Demokrasîyî ya Mêrdînî de qisey kerd û va: "Ma wayîrê şaredarî û îradeyê xo vejîyenê. Seba haştîye û azadîya nê erdî çi destê ma ra bêro ma do bikerê."

Nobeta Demokrasîyî ya HDP'yî ya ke Mêrdînî de verba tayînkerdişê qeyûman yena kerdene roja 27'îne de dewam kerde. Nobeta roniştişî ya ke hetê polîsan ra derûdorê ci yeno pîştene de verê berê bînayê HDP’yî  de yena girewtene.

Parlamentera HDP'yî  ya Amedî Dersîm Dage zî paştî daye çalakîye. Dersim Dag a ke çalakîye de qisey kerd wina va: "Ma wayîrê îradeya xo û şaredarîya xo vejîyenî. Ma do verba provakasyonan ê ke verê banê HDP'yî ya Amedî yenê viraştene xover bidê. Seba azadî û haştîye çi destê ma ra bêro ma do bikerê. Ê çi wazenî wa bikê, ma zî do verba înan sey her wextî têkoşînê xo pîlêr bikê. Pê destsernayîşan   wazenê nê welatî de şerêko pîl dest pê biko. No hukmat do pê poltîkayanê şerî bin bikewo."