Dêrsim de 2 ciwananê ke destê walîyî nêgirewt ameyî destbendkerdene

Ame zanayene ke, Dêrsim de seba ke destê walîyê Dêrsimî Tuncay Sonelî tonqe nêkerdo di ciwanî ameyî destbendkerdene.

Meydanê Seyîd Rizayî yê Dêrsimî de 2 ciwanan seba ke destê  walîyî  nêgirewt  ameyî destbendkerdene.

Ame vatene ke di ciwanê bi nameyê Dogan Can Saritaş ve Alî Haydar Baranî, Dêrsim de verê buroyê weçînayîşî yê Yewîya Hêzan ê HDP’yî de wexto ke nîşenê ro, Walîyê Dêrsimî û qeyûm Tuncay Sonelî, polîs û pawitoxanê xo reyde verê buroyî ra derbaz beno û seba ke destê ciwanan tonqe bîkero destê xo dergê ci keno. Goreyê vatişê şahidan ciwanan destê walîyî tonqe nêkerd, naye ser o zî ciwanî ca de ameyî destbendkerdene. Goreyê zanayîşan Saritaş û Baran Mudirîya Asayîşî ya Tuncelî de yenê girewtene.