Mehkemeya Qanûnê Bingeyî (AYM) derheqê tepiştişê Hemserekê Verênî yê HDPyî Selahattîn Demîrtaşî de bire daye ke heqê ey ameyo 'binpaykerdene.' Wezaretê Edaletî pê dayîşê 50 hezar TLyî ame mehkumkerdene la Demîrtaş nêveradîya.
Mehkemeya Qanûnê Bingeyî (AYM) derheqê tepiştişê Hemserekê Verênî yê HDPyî Selahattîn Demîrtaşî de bire daye. Avûkatanê Demîrtaşî seba ke heqê kesayetî û azadîya muwekîlê înan ameyî binpaykerdene muracatê AYMyî kerd.
AYMyî muracatî ercnayî. AYMyî bira xo de ca da prosesê hukmkerdiş û tepiştişê Demîrtaşî, bira yewkerdişê dosya û bira Mehkemeya Heqanê Merdiman a Ewropa (DMME).
AYMyî bire daye ke tepiştişê Demîrtaşî de madeya 19. ya Qanûnê Bingeyî ameye binpaykerdene û bire daye ke Wezaretê Edaletî 50 hezar TK tazmînat bido Demîrtaş.
Avûkatê Demîrtaşî Mahsûnî Karamanî derheqê bire de eşkerayîye daye û waşt ke cade Demîrtaş bêro veradayene.
