Sîyasetmedar hunermendanê ke 'Vilaweka Rîsipîyan' îmza kerde ANFyî reyde qisey kerd. Çend rojî verê cû 101 sîyasetmedar û hunermanda vilaweke îmzakerdbî û venga ciwanan û komelî dabi ke vera îqtîdarî têbigêrê.

Sîyasetmedar û hunermendan nê çîyî vatî:

Wekîla verêne ya CHPyî Prof. Dr. Bînnaze Toprak: ''Ganî muxalefet bibo yew û ganî meseleya kurdan û haştîye ser o pêbikero. Tirkîya ha her hetî ra rijîyena. Wa kes nêvajo ke dest nêdano ma. Ma dormeyê blokê demokratîkî de bibê yew.

Ekonomînase Nesrîne Nas: ''Wa muxalîfî nasnameyê xo yê bawerî û îdeolojîkî war verdê û bêrê pêser. Hewceyê ma pê zemînê demokrasîyî esto. ''

Dîrektorê tîyatroyî û kaykerdox Yucel Erten: ''Yewîya hêzan tay madeyanê hemparan ser o pêbikera. Armancê nê madeyan heta ke bêro caardene wa bibo armancê her kesî. ''

Rexnegîrê sînema, dîrektor Vecdî Sayar: ''Ma pê bawer ê ke meseleya kurdan zî tede pêro meseleyî atmosferêkê haştîye de eşkîyenê çareser bibê. Seba naye zî ganî demokrasî pê pêro metodanê xo ronayox bibo. ''