Gerîla Botan: Raştî koyanê azadan de ya

Gerîlaya HPGyî Xwînreş Botano ke hema doman bi hetê dewleta tirke ra tepişîya, vat: ''Zîndanî raberîya çalakîyanê azadîye kenê. Bêguman no têkoşîn ganî her kes bigêro mîyanê têkoşînî.''

Gerîlaya HPGyî Xwînreş Botano ke hema doman bi hetê dewleta tirke ra tepişîya û zulm û zorbazîye dîye, grevê vêşanîye yê tepişteyan, hêrişê dewleta tirke û xoverdayîşê gerîlayan ercnayî.

Gerîlayê HPGyî Botanî pare kerd ke serra 2009î de hema doman bi hetê dewlete ra tepişîyayo û vat: ''Semedo ke mi têgêrayîşî ra hes kerdêne ez ameya tepiştene. Ez 6 mengan zîndan de menda. 6 mengan ra dima ez tewrê xebatanê ciwanan bîya. Dişmenî hewte de rayêk eştêne keyeyê ma ser û mi rê gef wendêne. Verê mi de di alternatîfî estbî; zîndan yan zî koyê azadî. Bêguman koyê azadî zêdêr bala mi antêne. Bi nê hawayî serra 2010î de ez tewr bîya. O çax rîyê xayînêkî ra ez reyna tepişîya. 2 serran ez zîndan de menda. La zîndan de îrade û moralê ma berz bîyî. Ez 2013 de destê dişmenî ra xelisîya û resaya koyanê azadan. 

22 serrî yo vera Rayber Apoyî tecrîd yeno caardene. Tecrîd pêro Kurdîstanî ra vila bîyo. Vera tecrîdîseba azadîya Rayber Apoyî çalakîyî yenê kerdene ke rayberîya nê çalakîyan zîndanî kenê.  Waranê gerîlayan, warê komelkî û pêro waranê bînan de zî têkoşîn yeno caardene. Bêguman no têkoşîn ganî her kes bigêro mîyanê têkoşînî.

Ez venga ciwan û dadîyanê Kurdîstanî dana ke wezîfeyê xo bi hawayêkê raştî bîyarê ca. Wext wextê azadîya Rayber Apo û Kurdîstanî yo. Seba ke îqtîdarê ci rijîyeno dişmenî hêrişê xo resnayî asta tewr berze. 

Dişmenê ma qels o. Eke her kes tewrê têkoşînî bibo û wezîfeyanê xo bîyaro ca na serre do biba serra azadîya Rayberîye û şarê ma.

Ganî têkoşînê zîndanan têna nêro verdayene. Ganî her kes bi hawayêkê çalakî tewrê prosesî bibo û hêz bido xoverdayîşê zîndanan.''