Gerîlayan Heftanîn de derba girane daye îşxalkeran ro

HPGyî da pêhesnayene ke pêkewtişanê Heftanînî ke dewam kenê de hîrê rojanê peyênan de 16 leşkerê tirkî ameyî cezakerdene.

Merkezê Îrtîbatî û Çepemenî yê HPGyî derheqê çalakîyanê gerîlayan û hêrişê îşxalî yê dewleta tirke de bi eşkerayîyêke zanayîş da.

Eşkerayî de nê ameyî parekerdene:

''10ê temmuze de hêzanê ma yê YJA Starî Qilê Şehîd Cûdîyî yê warê Şeşdara de vera îşxalkeranê tirkî tay çalakîyê suîqestî kerdî. Nê çalakîyan de 2 leşkerê dişmenî ameyî cazakerdene.

11ê temmuze de hêzanê ma leşkerê ke Qilê Şehîd Berxwedanî yê warê Xantûrî de ameybî cakerdene hedef girewtî. Çalakîya suîqestî de leşkerêk ame cezakerdene.

12ê temmuze (ewro) saetanê serê sibayî mintiqaya Dola Beraza ya Xantûrî de îşxalkerî mesafeyo nizdî ra  hîrê hetan ra ameyî pirodayene. Goreyê zanayîşan verînan tesbitkerde 13 leşkerî ameyî cezakerdene. Derheqê pêkewtişanê ke hema mintiqa de dewam kenê zanayîşo ke bikewo destê ma, ma do rayapêroyî dir pare bikerê.''