Herêmanê Pawitişî yê Medya de vera îşxalê dewleta tirke şerêko giran qewimîyeno. Rixmê ney zî Gerîlayanê Azadîye yê Kurdîstanî çeperanê xo de serrgêra ronîyayîşê PKKyî bi coşêkê pîlî fîraz kerdî.

Mîyanê nê coş û kelecanî de gerîlayî binê hêrişanê giranan û bombardumanan de xoverdayîşê xo rê dewam kenê. Hêzê gerîlayan tunelanê şerî de vera hêrişanê dewleta tirke xo ver danê û têkoşîn kenê. Nê prosesî de gerîlayî sozê xo verê Rayber Apoyî, şarê Kurdîstanî û şehîdan de newe kenê, bi coşî selamê Rayberîye pêşwazî kenê û dest bi serra newîye kenê.