Heme girewteyê dewaya MLKP’yî yê ke hepisxaneyanê Tirkîye de eşkerayêk daye ke ê do 1’ê Adare ra dima 15 rojî bikewê grevê vêşanîye.

Bi nameyê girewteyanê MLKP’yî eşkerayêka nuştekîye ame parekerdene û ame vatene ke, “Ma reyna xoverrodayîşê Leyla Guvene bi rûmet silam kenê. Xoverrodayîşo ke Leyla Guvene bi çîqêk da destpêkerdiş sey şemale dest bi dest vila bi. Waştişê aye, rixmê heme asteng û zextanê dewlete hetê dorûverê hîrayî ra ameyê wayîrbîyayene. Leyla Guvene reyde Însîyatîfê Paştdayîşî ameyî awankerdene.

Girewteyanê dewaya MLKP’yî eşkeraya xo de wayîrê waştişanê wedaritişê tecrîdî vejîyayî û wina va“Ma girewteyê dewaya MLKP’yî waştişê heqdar û meşrû yê Leyla Guvene yo ke wazena tecrîdkerdişê Rayberê Şarê Kurdî Abdullah Ocalanî bêro wedaritene ra wayîrê vejîyenê. Ma girewteyê dewaya MLKP’yî yê ke hepisxaneyanê Tirkîye de seba ke paştdarîye bidê Leyla Guvene mabênê 1-15’ê Adare de 15 rojî kewenê çalakîya grevê vêşanîye. Leyla Guvene heqdar a ganî tecrîd bêro wedaritene”