Kamyoneta leşkerî ya ke qezaya Reyhanli ya Hatayî de multecîyî tebersînor kerdêne, qeldîyaye. Goreyê îzahetê Walîtîya Hatayî qeza  de 6 kesî merdî û 27 kesî birîndar bîyî û birîndaran 2 kesî xebatkarê leşkerî yê.

Hetkarê Wezîrê Karanê Teberî yê Tirkîya Faruk Kaymakçiyî îddîa kerdibi ke multecîyî nênê tebersînorkerdene. Pêro selahîyetdaran îddîa kerdibi ke 320 hezar multecîyî 'pê waştişê xo' gêrenê a. Rêxistinê heqanê merdiman zî eşkera kerd ke no tebersînorkerdiş pê zorî yeno kerdene. Yeno îfadekerdene ke nê multecîyan benê cayê Kurdanê ke dewleta Tirkî îşxal kerdî û seba polîtîkaya vurnayîşê demografîkî yenê şuxulnayene.